981031_製作傳統客家紅麴

【客家紅麴做法】

1. 煮糯米飯：圓糯米1斤洗乾淨後，放入電鍋像煮飯一樣煮好。
2. 放涼：再將糯米飯弄散開放涼（一定要放涼）。
3. 拌勻紅麴：將放涼的糯米飯倒入玻璃盆中，將紅麴粉均勻撥散於飯上，1斤圓糯米飯約配紅麴約50克，再以飯匙拌勻。
4. 可加入少許米酒，以便引出紅麴發酵。
5. 用保鮮膜蓋緊，幾天後即可看到成果。
6. 紅麴食譜 。

981105_客語認證_語料選粹_ 客家諺語(龔萬灶老師)

981105_客語認證_語料選粹_ 客家諺語
(資料來源：客委會、龔萬灶老師)

• 立春落雨透清明；一日落雨一日晴。
• 正月雷先鳴；四十五日暗天庭。
• 清明前，好蒔田；清明後，好種豆。
• 清明晴，魚仔上高坪；清明雨，魚仔杈下死。
• 夏至無雨三伏熱，準定三冬多雨雪。
• 雲遮中秋月，水打元宵燈。
• 冬至在月頭，無被毋使愁；冬至月中央，霜雪兩頭光；冬至在月尾，賣牛來買被。
• 雷打冬，十個牛欄九個空。
• 水打五更頭；行人毋使愁。
• 虹嵐東，無水也無風；虹嵐西，水打陂。
• 爺娘惜子長江水，子想爺娘擔竿長。
• 但存方寸地，留分子孫耕。
• 玉蘭有風香三里，桂花無風十里香。
• 惜花連盆，惜子連孫。
• 斷油毋斷醋，斷醋毋斷外家路。
• 雞子出世無乳食，鴨子出世無爺娘。
• 嫁雞隨雞，嫁狗隨狗；嫁狐狸滿山走，嫁乞食背家濟斗。
• 瓠仔老，好做杓；菜瓜老，好洗鑊；苦瓜老，綻琢琢；人到老，無落著。
• 油桐葉落心毋死，留取枝梢再等春。
• 牡丹開花毋結子，榕樹結子毋開花。
• 燈籠恁靚愛點燈，阿妹恁靚愛笑容。
• 苦瓜雖苦連皮食，甘蔗恁甜愛呸渣。
• 青竹莫將老竹欺，嫩筍也有燥籜時。
• 莫飲卯時酒，昏昏醉倒酉；莫罵酉時妻，一夜都孤棲。
• 田螺取肚飽，毋知屎朏生綠苔。
• 半夜想該千條路，天光本本磨豆腐。
• 窮人毋知死，買鹹魚食了米。
• 不到黃河心不死，到了黃河死了心。
• 藥能醫假病，酒不解真愁。

981018_拼音五步驟

拼音五步驟，以花為例：

1. 寫出主要元音：a。
2. 寫出聲調：/ (a/)，不知時用媽麻馬罵。
3. 檢查聲母：f (fa/)。
4. 檢查韻尾：X (fa/)。
5. 檢查介音：X (fa/)，不知時套入[i]、[u]檢查。

981016_客語認證_語料選粹_ 山歌(龔萬灶老師)

客語認證_語料選粹_ 山歌

(資料來源：龔萬灶老師)

1. 坐下來啊料下來，料到兩人心花開，料到雞毛沈落水，料到石頭浮起來。
2. 飲妹茶來領妹情，茶杯照影影照人，連茶帶影吞落肚，一生難忘阿妹情。
3. 講起山歌盡多，樓頂放有幾十籮，拿出一籮同妹唱，唱到阿妹做外婆。
4. 單身哥仔自家烳，洗淨米來火又烏，半月十日無轉屋，灶頭生草鑊生鑥。
5. 錫打禁指金包皮，一心打來送分妳，實言實語同妹講，心中有錫妹毋知。
6. 送郎送到大樹下，勸郎早去早回家，路上野花你莫採，家中還有牡丹花。
7. 人講老話吂，今年年紀九十三，閻王搭信同講，分風流幾年添。
8. 兩人有心就愛連，毋怕事情鬧上天，頭可比風吹帽，坐牢可比料花園。
9. 山歌毋唱毋記得，山路毋行會生塞，十七十八毋打扮，老來打扮看毋得。
10. 新做鳥籠畜畫眉，畫眉畜馴飛走哩，手提鳥籠喊鳥轉，喊鳥毋轉枉心機。
11. 同妹料到四五更，聽著雞啼著下驚，打開窗門看星斗，仰般閏月無閏更。
12. 對面看著蓮花紅，想愛摘花路難通，等到路通花又謝，菜籃水無採功。
13. 臨江楊柳嫩嬌嬌，拿起船槳等東潮，阿哥係船妹係水，船浮水面任哥搖。
14. 後生時節事情多，如今老來學唱歌，明知唱出毋好聽，偏偏愛唱無奈何。
15. 、有閒時節唱山歌，人生毋使超過勞，富貴貧窮命注定，身體健康快樂多。
16. 手拿菜刀來切蔥，切開正知兩頭空，先日當妹好鹹菜，開甕正知菜臭風。
17. 想起連妹實在難，可比鯉魚上急灘，水清又驚人看著，水汶又怕網來攔。
18. 入山看著藤纏樹，下山看著樹纏藤，藤生樹死纏到死，樹生藤死死也纏。
19. 欖樹開花花攬花，阿哥攬上妹攬下，牽起衫尾等郎攬，等郎一攬就回家。
20. 新做眠床四四方，一片眠來一片荒，睡到三更思想起，少隻阿妹來商量。